Tuvalu e masani o maua ne ia te fesoasoani tupe i tausaga takitasi mai te SPREP
Ne tusi ne Yvette D'Unienville
Tuvalu e pelaa me se fenua e kau i te Polokalame tau Enivalomene a te Pasefika SPREP e masani o maua ne ia te fesoasoani tupe i tausaga takitasi mo fakatele a galuega tau enivalomene ate fakapotopotoga.
E pelaa mo te lipooti o fesoasoani tupe a te SREP ki ona fenua mai te tausaga 2000 kia Iulai 2007, a Tuvalu ne maua ne ia te aofaki e tusa mote 815, 863 tupe Amelika i loto i te vaitau tenaa.
Te sui Pule o te Enivalomene, Enate Tauaa e fiafia ki te aofaki o te tupe fesoasoani a te SREP ki te atufenua i te vaitau tenaa.
I ana pati me ne fanakanaka loa te aofaki tupe fesoasoani a te SREP i tausaga takitaki ki Tuvalu.
Te feosoasoani tupe e fano ki luga i galuega e aogaa kite enivalomene a te SREP i fenua o te Pasefika, akoakoga i loto i fenua , mote aofia atu o fenua ki fonotaga mo akoakoga e fakatoka ne te SREP.
A Enate, se tokotasi o ofisa mai fenua ote Pasefika kolaa ne kaufakatasi atu kite fonotaga lasi ate SREP telaa ne fai ite vaiaso ko teka.
Te fonotaga e masani o fai ite masina o Setema i tausaga takitasi o onoono ki luga i tulaga o polotieki a te SPREP kolaa ne fakatele i fenua takitasi kae faipati foki ki mataupu tau tupe.
Te fonotaga ne talia ne ia a te fakatauga tupe a te SREP mo te suaa tausaga.
Palele
