Ulu o te malo mo te Korea
By Silafaga Lalua
Te malo o Kolea ki Saute ko oti ne fakamealofa main e ia te tupe e aofaki kit e 200 afe talaa Amelika mo fakataunu a polotieki a Tuvalu.
Te Ulu o te malo Appisai Ielemia ne faipati ki tala o Tuvalu I te tutonu o te Aso gafua o te vaiaso nei kae ne fakaasi aka ne ia me I tena auala ki Taiwan I aso ki mua o te masina nein e mafai a ia o sautala mo te sui maluga o Kolea ki Saute tela ne fakaasi mai ei te fesoasoani tena o ia ki Tuvalu.
I taimi nei a te malo ka saga o filifili a polotieki kola e taua kae mafai o togi mai lalo o te tupe tenei koi tuai o avatu ne tusi akai ki Kolea ki Saute tela ka aumai ei ne latou a tupe.
Sua mataupu ne faipati ki ei a laua ko te aofia o Tuvalu I te fakapotopotoga a te lalolagi mo mea fakaasi a fenua taki tasi e kau kit e BIE.
Ne iloa atu ne tala o Tuvalu me ia Kolea ki Saute e manako ke fai a te fakaasiga o mea valevale a te lalolagi mo te tausaga 2012 i te olotou fenua kae manakogina ne ia te fesoasoani o Tuvalu ke mafai o manumalo a ia.
Sose fenua e kau atu kit e BIE e tau o togi ne ia se aofaki tupe kae ne akaoga net e Ulu o te malo te avanoaga o akai atu foki loa kit e sui maluga tenei ke mafai ne tena atufenua o togi te tusaga o Tuvalu mo tena kau atu kit e BIE mo te lima tausaga mai mua nei.
I tafa I kona ne akai atu foki Apisai ke mafai ne te fenua tenei o togi te fakatasi atu o ofisa o Tuvalu ki fonotaga kola e fakatokatoka I ei a fenua mo te fakaasiga lasi I te tausaga 2012.
Te fenua ka fai ei te fakaasiga tenei e iloa mafai ko fait e fonotaga I te masina o Novema I te tausaga nei.
Palele
