« Teachers and education staff trained | Main | Tuvalu ka togi atu utanu ki Niusila »

November 19, 2008

Akoakoga mo faiakoga

Silafaga Lalua

Faiakoga o akoga lasaga muamua ka mafai ne latou o akoako atu a niisi mai te lotou kau atu kit e akoakoga ki luga i atiakega o tualaga o faiakoga i loto i te atufenua.

Te pule o te fakapotopotoga a fenua o te Pasefika mo iloiloga o akoakoga SPBEA ko Anaseini Raivoce mai Fiiti, e fai nei ne ia te akoakoga tenei tela e fakaoti i tea so taeao.

Katalina Taloka te pule o te matagaluega o akoga ne fai mai kit ala o Tuvalu ia Anaseini ne vau ke galue tasi latou i te iloiloga o te tusi tela e fakasino kit e atiakega o tulaga o faiakoga i loto i te atufenua, kae aofia i ei a mataupu kesekese mo faiakoga.

Te tusi tenei mo ana mataupu e fakasino tonu foki mo te atiakega o te atamai o faiakoga fakaakoako a te matagaluega, tela ka katoa te ono o mataupu a latou ne fai mai te tusi tenei, ka mafai o maua ne fakamaoniga ke fai latou mo faiakoga i loto i akoga.

Te akoakoga tenei ne kamata i te Aso Lima ko fano kae ka oti i tea so taeao kae aofia i sui kit e akoakoga ko ofisa galue mai loto i te matagaluega o akoga, fakatasi ei mo naai faiakoga mai te akoga lasaga muamua ko Nauti.

Ne iloa ne tala o Tuvalu me i sui kit e akoakoga ka mafai o akoako atu ne latou a nisi faiakoga manafai ko oko ki taimi o akoakoga penei i taimi maloloo o akoga.

Palele