Tupe maua mai laisenega o vaka
Silafaga Lalua
E lua poini lua miliona talaa ko oti ne maua ne te malo o Tuvalu mai te ofisa laisenega o vaka a Tuvalu tela e tuu i Singapore.
Te Minisita o Fesokotakiga, Oloolomalaga mo Tualisi tena malu Taukelina Finekaso ne fakaasi aka ne ia te mea ne ii te faiga o tena tusaga kit e titiigamanatu kit e tulafono fakatautau mo te fakataugatupe 2009, i te lua o aso tenei o te fonotaga a te Palamene, mo te fakataugatupe a te malo.
I pati a tena malu me talu mai te tausaga 2004 tela ne fakatuu i ei a te ofisa laisene vaka a te tupe maua i tausaga taki tasi, e siliga atu faeloa i tupe maua o tausaga mai mua, vagana i ei ko te tausaga ko fano 2007, tela ne matuku ei.
I te masina o Setema i tausaga nei, a te ofisa fakamau vaka ko oti ne maua ne ia te aofaki e ono selau valu sefulu valu afe talaa Ausitalia.
Te tulafono fakatautau mo te fakataugatupe 2009 tenei e titiimanatu ki ei a sui i tea so nei, e manako ki se fakataliaga o te aofaki e tolu sefulu lua miliona, fa sefulu tolu afe, iva selau tolu sefulu lua talaa Ausitalia, ke mafai o fakaoga mo tausaga ma vau, e pela mo te fakatauga tupe o te sua tausaga 2009.
Palele
