Tuvalu ka togi atu utanu ki Niusila
Silafaga Lalua
A Tuvalu ka fakatau atu ne ia a utanu ki Niusila kae fakatautau ke kamata i a Ianuali i tausaga ma vau manafai e teletele lei a sokotakiga.
Te tino galue i mea tau maketiiga o meakai i te minisituli o te toki lakau mo togavao o NIusila, Viliami Fakava, ne fai mai kit ala o Tuvalu ia ia ne vau ki Tuvalu nei o faipati mo ofisa o te malo o Tuvalu kola ka aofia i te fakatonutonuga o te maketi tenei.
Ne iloa aka ne tala o Tuvalu me i niisi fenua o te Pasefika ko maketi nei ne latou a fuaniu mo pii ki Niusila ako Tuvalu te fenua muamua ke maketi ne ia te utanu ki Niusila.
I muna viliami me tasi te fakalavelave e mafai ei o se tumau te maketi tenei, ko te see tumau mo te lava o utanu kola ka manakogina mai ne te maketi mai Niusila, ona ko te tulaga o te laukele o Tuvalu e see ola lei mo fakatumau te maua o te utanu mo te maketi.
Ne fai mai te lipoti i te utanu e mafai o paku io me maketi ‘mata ki Niusila ka eave foki i lalo iv aka ma lasi te manakogina, io me ave i te vakalele mafai e fakavave te manakooga ki ei. A utanu konei ka ave ki Niusila ka taketi malosi ki tino Tuvalu kola e nofo i Niusila.
Ne fakaasi aka te fiafia o Viliami i te maketi lasi loa mo meakai fakatatou i Tuvalu nei ko tino Tuvalu foki loa, se mea e tau o fakaakoako ki ei a niisi fenua o te Pasefika.
A ia ne fai’pati mo ofisa o te malo kola e panaki mo te maketi atu o utanu i te toe tulaga o sokotakiga tenei mo te fakamoemoega ke na kamata te maketi i te tausaga ma vau.
Palele
